علوی قرآن اکیڈمی
گاؤں مساجد میں برادری کے افراد بھی قرآن پڑھاتے لیکن باقائدہ مدرسہ نہ ہونے کی وجہ سے ڈاکٹر قاضی محمد افضل علوی صاحب نے علوی قرآن اکیڈمی حفظ القرآن ناظرہ کی تعلیم کے لئے اپنے دوستوں فضل محمود قریشی صاحب اور چودھری اسلم صاحب کے مشورہ اور تعاون سے باقائدہ بلڈنگ تعمیر کروائی اور باباجیؒ کے دربار کے حوالے سے گاؤں کے لوگوں کے لئے قرآن کا فیض جاری ہو گیا۔
پیر سید نصیرالدین نصیرؒ سے دعا کروا کے قرآن اکیڈمی کا سنگِ بنیاد سن 2002 میں جگر گوشہ نصیرِملت پیر سید غلام نظام الدین جامی گیلانی دامت برکاتہم نے اپنے دستِ مبارک سے رکھا اور علوی قرآن اکیڈمی کا افتتاح خواجہ غریب نواز درگاہ اجمیر شریف کے سجادہ نشین پیر سیّد برکات احمد معینی دامت برکاتہم نے کیا۔ درگاہ غوثیہ مہریہ گولڑہ شریف کے مرید قاری تصدق حسین چشتی صاحب تدریس کے فرائض انجام دے رہے ہیں۔ اب تک سینکڑوں طلباءوطالبات قرآن ناظرہ و حفظ مکمل کر چکے ہیں۔
صحبتِ نصیرِملت و دستاربندی
باباجیؒ کی اولاد میں برادری کے بزرگوں، رشتہ داروں، بھائیوں نے متفقہ طور پر دربار قادریہ باباجی غلامؒ کی خدمت کے حوالے سے سجادہ نشینی اور سرپرستی کے لئے ڈاکٹر قاضی محمد افضل علوی صاحب کو ذمہ داری سونپی ہے۔ باباجی غلامؒ قادریہ سلسہ کے بزرگ ہیں اور ان کی اولاد میں خاندان کے زیادہ تر لوگ پیر مہر علی شاہؒ(گولڑہ شریف) کے مرید ہیں۔
ڈاکٹر قاضی محمد افضل علوی صاحب اولادِ باباجیؒ سے ہیں اور پیر سید نصیرالدین نصیرؒ کی شفقت اور قرب بھی حاصل ہوا۔ ان کی علمی و روحانی محافل، اندرون و بیرون ملک سفر کے دوران بہت رہنمائی حاصل کی۔ نصیرِملتؒ کی صحبت و شفقت کے حوالے سے ان کے برادران، صاحبزادگان بھی ڈاکٹر قاضی محمد افضل علوی صاحب سے شفقت فرماتے ہیں اور درگاہ خواجہ غریب نواز اجمیر شریف کا فیض بھی سجادہ نشین پیر سید برکات احمد معینی صاحب اور پیر سید رؤف احمد معینی صاحب نے دستاربندی کرکے عطا فرمایا۔ قادریہ چشتیہ نظامیہ صابریہ فیض سے مستفید کرنے کے لئے ڈاکٹر قاضی محمد افضل علوی صاحب کو فیضِ روحانی جو عطا ہوا، اسے لوگوں تک پہنچانے میں کوشاں ہیں۔ جسمانی روحانی بیماریوں کا فی سبیل اللہ علاج عبادت سمجھ کر کرتے ہیں۔
